LÍN-þjónusta

Náman og LÍN

Lán og lánskjör fyrir Námufélaga eru m.a.:

  • Framfærslulán gegn framvísun lánsáætlunar frá LÍN.
  • Hámarksupphæð lánsins miðast við 100% af lánsáætlun frá LÍN að teknu tilliti til vaxta.
  • Mun hagstæðari kjör en á almennum yfirdráttarlánum.
  • Þjónustufulltrúi getur séð um að hækka lánið eftir því sem líða tekur á önnina, mánaðarlega eða eins og hentar hverjum og einum.
  • Vextir eru einungis greiddir af skuldastöðu hvers dags.

Námulán í erlendri mynt

Námsmenn erlendis, með lánsáætlun frá LÍN, geta nú fengið framfærslulán í erlendri mynt hjá Landsbankanum. Lánið er allt að 100% af lánsláætlun LÍN að teknu tilliti til vaxta. Helstu kostir eru:

  • Engin gengisáhætta
  • Lægri vextir
  • Lægri kostnaður

Nánar um Námulán í erlendri mynt

Umsókn um LÍN í netbankanum

Hægt er að sækja um námslán hjá Lánasjóði íslenskra námsmanna í Einkabankanum. Þetta er liður í þeirri fjölbreyttu þjónustu sem Landsbankinn býður námsmönnum.

Hvernig sæki ég um námslán í netbankanum

Það gæti ekki verið einfaldara! Þú skráir þig inn í Einkabankann og velur þar tengilinn Umsókn undir liðnum LÍN. Þá opnast nýr gluggi með umsóknareyðublaði, sem sótt er inn á læst vefsvæði LÍN. Með því að sækja umsóknina í gegnum Einkabankann er notandi þegar í stað auðkenndur og gerir umsóknina því hvort tveggja einfaldari og öruggari. Námsmenn geta lokið fullgildri umsókn á vefnum með þessum hætti og þannig sparað sér sporin. Nokkrum dögum síðar birtist lánsáætlun fyrir veturinn í Einkabankanum og þá getur þú farið í viðskiptaútibú þitt í Landsbankanum og sótt um Námureikningslán.

Sækja þarf sérstaklega um námslán fyrir hvert skólaár. Hægt er að sækja um námslán fyrir allt skólaárið eða hálft námsár í senn. Sækja þarf um námslán fyrir eftirfarandi dagsetningar: 

  • 1. desember 2011 vegna náms á haustönn 2011
  • 1. maí 2012 vegna náms vorið 2012
  • 1. júlí 2012 vegna sumarnáms 2012 

Að sækja um upp á gamla mátann

Ef þú vilt sækja um upp á gamla mátann þarf að skila inn umsókn og fylgigögnum í einu af útibúum Landsbankans. Við mælum sérstaklega með útibúi Landsbankans í Vesturbæ en þar er tekið við gögnunum og þeim komið til Lánasjóðsins fyrir Námufélaga, þeim að kostnaðarlausu. Hægt er að nálgast eyðublöð til útfyllingar í öllum útibúum Landsbankans.

Hvað þarf að fylgja með?

Frá því að umsókn um námslán berst til LÍN og þar til að lán er greitt út í lok annar þurfa nemendur að standa skil á tilteknum upplýsingum.

  • Staðfesting á skólavist: Þeir námsmenn á Íslandi, sem greiða há skólagjöld, og þeir námsmenn erlendis, sem eru að hefja nýtt nám, verða að senda slíka staðfestingu. Umsóknin tekur ekki formlega gildi fyrr en staðfestingin hefur borist sjóðnum.
  • Útreikningur á láni: LÍN sendir lánsáætlun til námsmanna eða umboðsmanna og staðfestir þannig gildar umsóknir. Fyrirframgreiðsla skólagjalda hefst til þeirra sem eiga rétt á því.
  • Skuldabréf: Þeir sem eru að sækja um námslán í fyrsta sinn, eða hafa gert meira en árshlé á námi sínu, fá sent skuldabréf til undirritunar.
  • Enskumælandi lönd: Senda þarf LÍN upplýsingar um skólagjöld og styrk/styrkleysi fyrir hverja önn eða allt námsárið.
  • Endanleg tekjuáætlun: Staðfesta verður tekjuáætlun áður en haustlán eru greidd út.
  • Námsárangur: Námslán eru afgreidd þegar upplýsingar um námsárangur hafa borist. Skólar á Íslandi senda þær beint til LÍN, en námsmenn erlendis verða að sjá um það sjálfir. Þeir sem ekki taka próf á miðjum vetri verða að senda staðfestingu á námsástundun.
  • Útborgun láns: Lágmarksnámsárangur til að eiga rétt á láni er 18 ECTS-einingar eða jafngildi þeirra. Greiðslan er lögð inn á bankareikning námsmanns.
  • Skattframtal: Allir lánþegar verða að staðfesta endanlegar tekjur með afriti af skattframtali. Námsmenn á Norðurlöndunum verða einnig að senda afrit af álagningarseðlum. Í Danmörku heitir það årsopgørelse, í Noregi skatteoppgjör og Svíþjóð slutlig skatsedel. Barnlausir einstaklingar á Íslandi í leiguhúsnæði verða að skila leigumiða (RSK 2.02).