Svar: Aðgerðirnar felast annars vegar í almennum aðgerðum sem standa öllum til boða og byggjast á því að lækka greiðslubyrði fólks af veðlánum og gengistryggðum bílalánum og bílasamningum. Hins vegar er um að ræða sértækar aðgerðir sem fela í sér nýjar og endurbættar leiðir til að bæta stöðu þeirra sem þurfa á meiri aðstoð að halda en felst í almennu aðgerðunum.

Svar: Markmið þeirra er að lækka greiðslubyrði verðtryggðra og gengistryggðra húsnæðislána og vegna gengistryggðra bílalána og bílasamninga. Greiðslubyrðin verður leiðrétt með greiðslujöfnun þannig að hún verður svipuð því sem hún var fyrir hrun. Greiðslubyrði gengistryggðra húsnæðislána og bílalána/bílasamninga miðast við maí 2008 en greiðslubyrði verðtryggðra lána miðast við janúar 2008.

Húsnæði: Greiðslujöfnun húsnæðislána stendur fólki þegar til boða en nýmælið sem felst í aðgerðum stjórnvalda er að þak verður sett á lengingu láns vegna greiðslujöfnunar þannig að greiðslutíminn verður að hámarki þremur árum lengri en upphaflegur lánstími. Hafi lánið ekki verið að fullu greitt að þessum þremur árum liðnum falla eftirstöðvarnar niður, að því gefnu að lánið sé í skilum við lok lánstíma.

Bílalán og bílasamningar: Greiðslujöfnun eða áþekk aðgerð verður einnig boðin vegna gengistryggðra bílalána og bílasamninga

Svar: Þetta eru þrenns konar aðgerðir ætlaðar einstaklingum sem eiga í það miklum greiðsluvanda að leiðrétting eða önnur vægari greiðsluerfiðleikaúrræði nægja ekki.

Greiðslubyrði sniðin að aðstæðum einstaklingsins: Ætlað þeim sem orðið hafa fyrir umtalsverðu tekjufalli. Greiðslubyrði láns er sniðin að aðstæðum einstaklingins og staða endurmetin síðar.

Skuldaaðlögun: Með skuldaaðlögun verða skuldir og eignir lagaðar að greiðslugetu með langtímahag heimilisins í huga. Skuldaaðlögun getur átt sér stað með sölu eða yfirtöku eigna, hlutfallslegri lækkun krafna, framlengingu lána eða tímabundnum gjaldfresti. Vinnubrögð lánastofnana verða samræmd. Að lokinni skuldaaðlögun er miðað við að skuldarinn haldi að hámarki hóflegu húsnæði og bíl og geti staðið undir afborgunum vegna þessara eigna.

Opinber greiðsluaðlögun: Opinber greiðsluaðlögun er úrræði sem tók gildi síðastliðið vor (sjá nánari upplýsingar um greiðsluaðlögun skulda sem ekki eru tryggðar með veði og tímabundna greiðsluaðlögun fasteignaveðkrafna). Að undanförnu hefur verið unnið að því að endurbæta þetta úrræði með það að markmið að stytta ferlið og gera úrræðið þjálla og skilvirkara. Frumvarp um breytingar á lögum vegna þessara úrræða er í smíðum og verða breytingarnar kynntar síðar.

Tilgangurinn er að fella niður íbúðaskuldir sem eru umfram 110% af markaðsvirði eignar. Viðmiðið má þó aldrei vera lægra en 110% af fasteignamati 2011.

Miðað er við uppreiknaða stöðu veðskulda þann 1. janúar 2011. Þegar um gengistryggð lán er að ræða skal miða við höfuðstól þeirra að loknum endurútreikningi samkvæmt niðurstöðu dómstóla og skal byggja á leiðréttum eftirstöðvum gengistryggðra lána.

Til íbúðaskulda teljast fasteignaveðlán sem sannanlega voru tekin til öflunar húsnæðis til eigin nota og uppfylla skilyrði um vaxtabætur.

Almennt skal horfa til allra veðskulda sem stofnað var til vegna fasteignakaupa, þ.e.a.s. íbúðalána, námslokalána í íslenskum krónum og fasteignalána sem tekin voru í erlendri mynt en hafa verið endurútreiknuð og breytt í íslenskar krónur.

Já, þeir sem hafa þegar fengið niðurfellingu skulda að 110% af þáverandi verðmæti fasteignar á grundvelli annarra úrræða geta átt kost á að fá frekari niðurfellingu, að uppfylltum skilyrðum þessa úrræðis. Þeir sem hafa áður fengið endurútreikning erlendra lána eða 25% höfuðstólslækkun geta einnig sótt um 110% leið stjórnvalda sé fasteignin meira en 110% yfirveðsett eftir beitingu þeirra úrræða.

Já, eignin þarf að vera íbúðarhúsnæði og lántaki og/eða maki hans, eftir því sem við á, verða að vera eigendur eignarinnar. Eignin þarf einnig að vera lögheimili lántaka.

Verðmæti eignar miðast við fasteignamat eða markaðsverð, hvort sem er hærra.

Miðað er við að greiðslubyrði íbúðaskulda á umsóknardegi sé ekki lægri en 20% af tekjum. Undantekning ef lífeyrissjóðslán á í hlut: Þó skulu þeir sem bera greiðslubyrði á bilinu 18%-20% njóta lækkunar en hámarkstölur niðurfellingar skulda hlutfallast miðað við greiðslubyrði á framantöldu bili.

Ef lántaki á aðrar aðfararhæfar eignir lækkar niðurfærsla skulda sem því nemur (skuldajafnað).

Já, hámarks niðurfelling getur numið allt að 15 milljónir hjá einstaklingi og 30 milljónir hjá einstæðum foreldrum, hjónum /sambýlisfólki, en þó getur niðurfelling lánanna aldrei farið undir 110% af heildarveðsetningu fasteignar.

Nei.

Lántakar skulu almennt leita til þess kröfuhafa sem er síðastur í veðröðinni samkvæmt veðbandayfirliti eignarinnar.

Umsóknarfresturinn er til 1. júlí 2011