Greiðslujöfnun er leið til að létta tímabundið greiðslubyrði af reglulegum afborgunum lána. Með greiðslujöfnun tekur greiðslubyrði lána mið af greiðslujöfnunarvísitölu, sem Hagstofa Íslands gefur út mánaðarlega. Lánið er eftir sem áður bundið vísitölu neysluverðs og breytist höfuðstóll lánsins í samræmi við hana.

Greiðslujöfnunarvísitalan er samsett úr launavísitölu sem vegin er með þróun atvinnustigs. Ef laun lækka og/eða atvinnustig eykst lækkar greiðslubyrði lánanna. Meðan greiðslujöfnunarvísitalan er lægri en vísitala neysluverðs haldast afborganir lægri en mismunurinn, þ.e. sá hluti afborgana sem frestast, er færður á sérstakan jöfnunarreikning. Ef skuld er á jöfnunarreikningi við lok upphaflegs lánstíma er lánstíminn lengdur um allt að þrjú ár. Hafi lánið ekki verið að fullu greitt að þeim tíma liðnum falla eftirstöðvar lánsins niður. Ef greiðslujöfnunarvísitalan hækkar meira en vísitala neysluverðs og skuld er á jöfnunarreikningnum greiðist hann niður í samræmi við hækkunina. Þegar engin skuld verður inn á jöfnunarreikningnum greiðist lánið skv. skilmálum lánsins eins og áður.

Bent er á að greiðslujöfnun leiðir til aukins kostnaðar í formi vaxta og verðbóta. Því er ekki sjálfgefið að fólk kjósi eða hafi hag af greiðslujöfnun ráði það við afborganir lána.

Sjá nánar lög nr. 133/2008

Greiðslujöfnun verðtryggðs láns mun lækka greiðslubyrðina um allt að 17% miðað við greiðslujöfnunarvísitölu í október 2009. Afborganir miðast við greiðslujöfnunarvísitölu eins og hún var 1. janúar 2008. Ef grunnvísitalan lánsins var gefin út eftir janúar 2008 miðast útreikningurinn við mánuðinn sem nýja vísitalan tók gildi.

Já, hægt er að segja sig frá greiðslujöfnun í netbanka einstaklinga eða næsta útibúi. Þeir sem kjósa að segja sig frá greiðslujöfnun geta sótt um það í næsta útibúi Landsbankans eða í netbankanum.

Beiðni þarf að berast eigi síðar en 10 dögum fyrir næsta gjalddaga lánsins. Skilyrði er að lán sé í fullum skilum. Ef skuld er á jöfnunarreikningi leggst hún við höfuðstól láns.

Skilyrði fyrir greiðslujöfnun er að lán sé í skilum. Ef lán er í vanskilum er viðskiptavinum bent á að hafa samband við þjónustufulltrúa í viðskiptaútibúi sínu og reyna að semja um vanskilaþátt lánsins. Greiðslujöfnun færist sjálfkrafa á lán sem eru í frystingu að frystingu lokinni.

Já, það er hægt eftir því sem kveðið er á um í skilmálum lánsins. Þegar greitt er inn á lán í greiðslujöfnun er umframgreiðslum fyrst ráðstafað til að greiða jöfnunarreikninginn, og síðan verðbætur, vexti og höfuðstól.

Þessi leið mun vera í boði þar til annað verður ákveðið.

Líkt og með önnur lán þá eru skuldaraskipti háð samþykki bankans. Sama gildir um aðrar breytingar á skilmálum láns. Yfirtaka láns er skoðuð í hverju tilviki fyrir sig. Mikilvægt er að átta sig á því að skuldin á jöfnunarreikningnum telst hluti af eftirstöðvum lánsins. Aðilum í fasteignaviðskiptum er bent á að kanna sérstaklega hvort lán er í greiðslujöfnun.