Landsbankinn býður viðskiptavinum, sem eru með góða viðskiptahugmynd og vilja vinna að nýsköpun, upp á yfirdráttarlán á hagstæðari vaxtakjörum en á hefðbundnu yfirdráttarláni. Tilgangurinn er að auðvelda viðskiptavinum að hrinda hugmyndum sínum í framkvæmd. Lánin eru m.a. ætluð til tækjakaupa, kaupa á hugbúnaði, þátttöku í námskeiðum, kaupa á sérfræðiþjónustu eða sérfræðiráðgjöf og þátttöku í vörusýningum. Þegar sótt er um Nýsköpunarlán þarf viðskiptavinur að skila inn reikningi yfir útlagðan kostnað vegna viðskiptahugmyndarinnar.

Lánsupphæð

• Allt að 750 þúsund krónur.
• Lánað er samkvæmt framlögðum reikningi.

Lánstími

• Lánstími er til allt að 48 mánaða.

Vextir

• Breytilegir vextir samkvæmt vaxtatöflu hverju sinni.

Afborganir

• Lántaki gerir skriflegan samning við bankann um reglubundna greiðslu af launareikningi inn á lánið og þannig er það greitt niður á markvissan og reglubundinn hátt.
• Jafnar mánaðarlegar afborganir.

Gjöld

• Engin lántöku-, seðil- eða stimpilgjöld.
• Ekkert uppgreiðslugjald.

Aðrar upplýsingar

• Lántaki þarf að standast greiðslumat.
• Tryggingar eru samkvæmt útlánareglum bankans.
• Greiða má inn á lánið án kostnaðar.