Áður en þú getur byrjað að nota rafrænu skilríkin þarft þú að fylgja eftirfarandi leiðbeiningum:

1. Setja viðeigandi Nexus hugbúnað, sem les örgjörvann á debetkortinu, upp í tölvunni þinni.
   
   • NexusPersonalWin.exe  fyrir Windows stýrikerfi
   • NexusPersonalMac.zip fyrir MacOs stýrikerfi. Virkar ekki í Mac Lion enn sem komið er, beðið er eftir nýrri útgáfu.
   • NexusPersonalLin.tar.gz fyrir Linux stýrikerfi og uppsetningarleiðbeiningar
2. Stinga kortalesaranum, sem þú fékkst afhentan með debetkortinu, í samband við tölvuna eða nota innbyggðan lesara sé slíkur í tölvunni.
   
   
3. Setja upp lesara með aðstoð hjálparkerfisins "Hardware Wizard", sem kemur sjálfkrafa upp á skjáinn þegar lesaranum hefur verið stungið í samband.
   • Ef hjálparkerfið opnast ekki sjálfkrafa þarf að keyra sérstakan rekil (e. Driver) fyrir lesarann. Hann gerir tölvunni kleift að tengjast við kortalesarann.
   • Sé innbyggður lesari í tölvunni þinni hleypurðu yfir þetta skref.
4. Stinga kortinu í lesarann og nýta þér kosti rafrænna skilríkja.
   
   
5. Í sumum tilvikum þarf að endurræsa tölvuna til að fá skilríkin til að virka.
   
   
6. Ef skráning mistekst skal enduropna Nexus hugbúnaðinn.